今年好特別, 去左一個我好怕的地方, 因為熱和曬往往不是我的首選,
因為聽見妹妹媽媽上次去清邁吃榴槤,
酒店又平又靚,
我就叫妹妹一起走一趟,
我已經廿幾年未去過泰國,
那次亦是與媽媽妹妹去的,
當時還是學生.
今次亦是兩兄弟第一次同姨姨去旅行, 姨姨最鐘意去泰國,
一年去五六次,
所以我們說這裏是她的鄉下,
她和我相反,
她最不喜歡日本,
所以一直都無機會一齊去玩,
我都有成廿年無同她去旅行了.
六年前其實有約過一次去泰國,
機票都訂好了,
可是因為老公突然大病一場去不成,
今次終於成行了,
而且整個行程都好順利,
天氣亦好好!
(曬到燶!
心唸其實陰天少少得唔得呀,
好熱呀!)
我發現泰國上午是超曬的,
但到下午三,四時左右天就開始陰,
所以戶外活動最好多是三時後進行比較舒服.
我們今次淨去芭堤雅,
好輕鬆,
雖然轉左三間酒店, 但來來回回都是市中心, 每日就是食玩食玩食玩…只是有一日去左羊羊樂園和水果園, 買方面我只行過NaRaYa和Big C, 好像無Shopping過, 帶住細路就係咁, 想睇下野都唔得. 跟本個旅行就係為佢地而設, 哈哈, 所以佢地真係玩得好開心~
今次我們坐AirAsia 10:45航班, 機票$2200-我覺得廉航來講唔算平, 本來有香港航空$1600, 但因為8:15機老公覺得太早，他說要四點幾起床喎，去旅行做乜要咁辛苦，輕鬆ｄ好．咁好啦，Book返晏ｄ輕鬆ｄ，反正今次都係去Hea下. 酒店方面，四個晚上我訂了三間，頭兩晚住Mercure Pattaya Ocean Resort ($558包早餐) , 第三晚住很出名的水上樂園酒店Centara Grand Mirage Beach Resort($865包早餐)，第四晚住Grand Bella Hotel($362包早餐)，轉三間酒店的原因是我們本來打算在第四天返回曼谷住，所以很遲才訂第四晚的酒店，後來決定唔停曼谷想連住兩晚Centara時，房價貴了很多，在不情願涯價的情況下我決定轉另一間．三間酒店都有泳池滑梯，這是我為孩子刻意安排的，所以我們四日也有游水. Ｍercure 附近有Big C，宵夜，水果店，去沙灘亦好近．Grand Bella都好方便, 好近Central Festival，一出大街就有出名的24小時芒果糯米飯. 每間酒店附近都好易找到按摩的地方，我也按了兩天，按時很痛，但按完鬆晒好舒服．
我6:45起床，一如以往，樂軒聽到我去廁所，自己醒了起身問我係咪出發啦，哈哈，佢就是果種“平日上學叫極唔醒，但一去旅行就自己醒的人”．老公渣車載我們去機場，今次六人，仲有一個位放行李剛剛好，今次沒有咁好彩，只泊到露天的二號停車場，架車要係度曬五日了．我們先去checkin寄行李，租wifi，再去吃早餐，今次無吃foodcourt, 發覺有間茶餐廳不錯的．吃完便去閘口登機，我們來回都預訂了較前排的坐位，方便上落，機程2小時45分，我們訂了幾份飛機餐share吃，細佬全程無睡，但都算乖，玩玩吃吃好快就到．到達泰國機場過關都好快，出來拿行李上廁所，很快便會合到司機，我們包炳仔車來回機場至芭堤雅，他安排了11人車給我們6人坐，所以很寬敞．每程Thb2200-, 由於有少少塞車，差不多三小時才到酒店，幸好細佬襯機睡了一覺．我們checkin後便回房間換泳衣，我們住六樓算低層，但有個泳池景都幾好幾舒服．兩個孩子已經急不及待去酒店泳池游水，因為差不多四點太陽開始收，水有點冷，所以我們玩了一個小時左右便去晚餐了．我們先去兌換泰幣，再在海邊路坐爽條去Central Festival, 第一次坐爽條，我們上車開著GPS, 看著目的地的位置，差不多到便按鐘，司機就會停車，然後走到司機位置付款，每人Thb10-, 好抵．因為大家都餓了，所以決定今晚吃Sizzler燒牛扒自助餐，牛扒真的很美味，一份扒只是HKD100-200元，而且任食水果沙津Bar, 又有湯, 意粉和甜品, 也有每份餐送一片芝士包, 好好味. 我們連孩子六人只點了四份餐, 它不要求你每人點一個餐，但也可以享用Salad Bar. 吃完我們逛逛超市，便坐爽條回酒店．
第二天早上，我們先到餐廳吃自助早餐，然後再去酒店泳池玩水，Mercure有兩個泳池的，有一個在五樓，今天先去五樓泳池再去一樓玩滑梯．游完水才出發去我們行程的唯一景點，由於羊羊樂園有點偏遠，怕坐爽條過去回程難坐車，所以我們在酒店包車過去，來回Thb1000-，因為是私家車有冷氣，應該比爽條舒服吧．到逹Pattya Sheep Farm, 門口有個大鴨子, 因為子軒有看過介紹指南, 他說我們今天去看羊羊和鴨鴨，所以他看到鴨子時超興奮．由於到達時是12時多，超級熱和曬，到達立刻去買條雪食降下温先，玩左一陣覺得太熱，所以決定先去吃午餐避曬，在這裏吃的Pizza, 意粉都好好味，而且103C M以下有免費兒童餐送，可是比較熱和有些蒼蠅．吃完我們再去挑戰太陽，行下影下相騎下馬，便離開羊羊樂園，走去緊貼的素帕湯水果園，這裏比較令人失望，因為它主要為旅行團而設, 工作人員想了良久才決定收我們每人Thb500，小童半價，包坐遊園車一圈(好短), 和任食水果, 本來看到這價錢是有點不想參加，但一場來到，加上知道媽媽很喜歡，今天又是她的生日，就照樣參加吧．果然不太好，水果不太新鮮，只有部份好吃…例如龍眼，西瓜，山竹…榴槤有部份夠熟的都ｏｋ，最不吸引的是熱而且很多蒼蠅，如果有冷氣應該會好些，所以我也不太建議大家去．吃完，我們要返回停車場，若要走羊羊樂園的外圍過去會很遠，所以我們把今日門票交工作人員看，表示我們要返回停車場，他便讓我們返回羊羊樂園穿過去，方便很多．返回酒店後，老公看孩子，我和媽媽妹妹去附近按摩，之後發現細佬睡了，等他醒了再去Central Festival晚餐，今次試下food court, 海南雞飯，泰粉，椰青….勁好味呀．吃完終於可以去NaYaRa掃少少貨．之後坐爽條回酒店附近，行下Big C, 又入貨了，買手信買藥膏，滿載而歸．購物原來就始完結，之後都無再買過野，哈哈～～回到酒店，妹妹通知我們過去佢房，因為我們一早通知了酒店安排蛋糕．今天是媽媽生日，酒店好貼心送她一件小小蛋糕，我們拍照留念，細佬仲唱生日歌，婆婆好開心．
第三天，吃完早餐無咩做，就走去沙灘玩沙影相，太熱太曬，影下相好快又走人啦．返去拎埋行李就轉酒店了．今次要包車爽條過去Centara, Thb120- 不貴呀．到達酒店我們先checkin, 可能早到了，暫時只給我們一間房，另一間要晚點，酒店升級了我們的房間，在13樓，個View真是好靚，房間好大，床亦好大．露台又舒服．由於好曬，我們先去酒店一間餐廳吃lunch, 都是吃Pizza，意粉，小食，味道都ｏｋ，但又係有蒼蠅，扣分．吃完回房間Hea一陣，樂每次回房都會走去開兒童台睇卡通，兩個睇到幾開心．婆婆同姨姨去按摩．之後先再去泳池同我們會合，我們都等到三時再出發去水上樂園，我們先去沙灘玩，但當時水漲所以水好dirty, 要等水退水才靚．所以好快就走回水上樂園玩水，玩滑梯（大大小小約有七條滑梯），玩激流(唔太流動的！)，他們玩到好開心，笑到kaka聲，看見他們你會覺得好滿足．另外有個Infinity
pool, 感覺好舒服，但不讓孩子進入，有點可惜．玩完水，又係時候食野，今次去酒店外吃泰菜，都幾好味，特別欣賞佢個炒通菜絲，幾好味呀，細佬食到一半已經頂唔住訓左了．我們今晚返酒店也好早就睡了，半夜好大雨行晒雷，我是知道的，但倦到繼續訓乜都唔理了．第二朝才知老公去收晒露台ｄ衫入來，仲話細路半夜被雷嚇醒，我真係原全唔知，哈哈．
第四天，心唸這間酒店的Buffet應該最好，可惜因為排不到室內位，改去室外，出事了，環境雖然很好，但好多蒼蠅(可能是因為昨晚下大雨，今日特別多蒼蠅)，搞到我無乜胃口，只吃ｄ有蓋蓋住的食物．相比另外兩間的早餐好好多．明明昨晚大雷雨，今日又好好天好曬，妹妹帶樂去玩多轉水上樂園滑梯，婆婆帶細佬去Playhouse玩，三歲以下免費，正! 我和老公就去按摩，按完老公話鬆晒，爽～ 之後便跟他們會合轉酒店，出到酒店外，截到一架爽條，連行李包車Thb150過去，ok呀，上車．到了酒店先checkin，回房間放好行李再出發，房間泳池景都好ｏｋ，之後出發去今年四月新開的商場Harbor
Pattaya, 這個商場根本就是為小孩而設的，好多遊樂設施的．我們先吃午餐，選了一間日本餐廳，我們不敢吃魚生，但其他食物都好ｏｋ又平，一個細炒飯才Thb50, 一個天婦羅才Thb60, 又有樂和婆婆至愛的烏冬和細佬至愛的蟹柳壽司．吃完媽媽妹妹去Shopping,
我們帶著孩子先去反斗城，再去玩室內遊樂場，我帶細佬去較小型的Kidzoona,
老公帶哥哥去好大好多野玩的Harbor
Land, 兩個都玩到勁開心呀．玩完又返酒店游水啦，我們去游水，哥哥不停Sir滑梯話好好玩，媽媽妹妹去按摩，之後又會合去食野，今次唔駛坐車，行路過去Central
Festival, 妹妹提意吃韓燒，ｏｋ幾好妹呀，細佬又訓左，吃得特別爽啦．之後去食埋雪糕，細佬都仲未醒，又無份食啦佢．食完又返酒店了．
第五天，吃過早餐，就去買芒果糯米飯，準備一陣上車食，因為出返曼谷都要二個多小時，我們今天坐15:35機回港．到達機場比預期時間早，所以我們可以慢慢吃個平價Lunch
Buffet先，個Buffet就在機場連著的Amari Hotel食, Thb170一位，小童半價．細佬免費．有熱食，湯，沙津，蛋糕，汽水…抵啦～吃完又輕輕鬆鬆去checkin,
手續都好快，過關都好快，入到禁區再掃椰子蛋卷，今次無預訂飛機餐，上機前樂又話肚餓 (明明吃完Buffet不久～)，買左個熱狗食．機上，老公也Order了個雞扒炒麵餐，可能食大左個胃了，哈哈~ 細佬回程機也無訓，但又好乖吃吃糖玩下車仔睇下Video, 好快又到香港了．回程還Wifi, 渣車回到家都差不多十點了，所以沖完涼吃過杯麵就算了．
