2008  SAPPORO

終於將北海道的相片放晒係個BLOG度啦, 分為三部份, 包括行程, 美食, 美景.....等我現在介紹下我今次的旅程和講下感想啦.....
這個目的地, 其實早在三年前已經決定去啦, 2005年12月, 因為老公轉工, 沒有假期, 2006年12月, 因為我有左樂樂, 所以去唔成, 所以今年決定一定要去, 其實真係好驚今年又去唔成...點之...報左名12月去, 真係唔成團, 之後改為1月才去, 直至出發前14天才知道成團, 很開心. 但...出發前一星期, 麻麻去世了, 爺爺又突然入院了.... 我仍然在擔心著今次能否成行....加上近日太多事情發生, 心情其實很複雜.....

終於等到出發的日子, 決定乜都唔理, 我要盡情玩, 暫時唔好唸咁多, 我要好好享受這一趟期待以久的旅程....
出發前一晚, 不捨得樂樂, 所以差不多十點先番屋企, 洗澡和收拾行李, 執到差不多一點半, 一訓落床好快便睡著, 沒有太緊張的感覺, 5:30起床, 6:00出門, 坐的士去藍田地鐵轉 A22 去機場, 6:15上車, 7:15到達機場, 到集合地點找了導遊拎機票, 把行李寄倉後行一陣, 等到 8:00 CHECK-IN 入到離境大樓, 吃過大家樂早餐, 才慢慢到21號閘準備登機....機程3.45小時, 在機上打機, 多電影, 用餐, 小睡, 好快就到, 我望著電視看出機外的情況, 睇左架機慢慢降落, 哇, 白色架, 好多雪呀, 越看越近地面啦, 原來在落雪, 加上大風, d雪係咁飛, 真係好開心呀, 我終於睇到落雪啦...一落機, 未過關, 已經要即刻在窗邊影張相啦, 真正開始興奮啦..哈哈...d日本人手腳好慢, 成粒鐘先辦好入境手續, 到出到來雪都停埋啦....
到達日本己經1:45, 即當地時間2:45, 零下五度, 果然係涷, 但著夠衫, 同埋在機場有暖氣, 都ok啦. 我們集齊人, 便上旅遊巴, 開始行程啦, 在車上, 街外盡是雪景, 我們二個大鄉里當然係咁睇和影相呀, 真係好鬼靚...一小時左右的車程, 到達札幌市, 我們先去醫肚, 到拉麵店吃了個帶子拉麵, 外面的天氣寒冷, 風很大, 第一天又未著夠衫, 入到來吃個麵真是暖笠笠, 個拉麵都幾正, 有三隻大帶子, 仲有好多配料, 包括蜆仔, 叉燒等等.....導遊每人給我們1500日元, 我們吃了1300日元的麵, 賺了共400日元, 呵呵....食完就可以去shopping啦, 先去地下街, 裏面好多小商店, 行完去左MOS BURGER吃個漢堡包, 導遊介紹我地去食, 話d牛肉好食過香港, 咁當然要去試下啦, 係幾好味既, 但就細個d, 300日元, 我仲吃了件朱古力蛋糕, 可能未溶夠雪, 麻麻地.....今日的行程係咁多lu....今晚住的是京王酒店, 在札幌市, 房間都幾細, 不過市中心酒店, 大極有限, 見番到酒店, 只是日本九點幾, 我想去附近的食市應該未關門既, 於是約了兩個團友, 一齊跟著地圖去找這間店, 很不容易才找到, 因為旅遊書介紹這裏的刺身飯好正, 亦只是170港幣左右, 所以好想食, 果然好正...有魚刺身, 八瓜魚, 蛋, 蝦, 魚子, 海胆, 帶子...而且好新鮮和美味...
番到酒店, 打埋電話番香港, 便番房訓教, 可是...呢晚睡得不太好, 每小時都醒一次, 走到窗前望望街外有沒有落雪, 因為自機場見完落雪就無再落了, 我好希望再次見到落雪......好緊張, 好緊張, 快d到明天.......哈哈......

6:30 morning call (即是香港 5:30), 跟團就係咁, 晨早開始行程, 唔係點去到咁多景點丫. 一起身, 發現出面落雪呀, 雖然唔係好大雪, 但我地都決定先執好行李, 去酒店外影完相先去食早餐, 零下八度, 細細的雪飄下來, 好開心咁感受下雪.....之後去食酒店的自助早餐, 都無乜夠食咁, 只係食麵包, 腸仔, 蛋, 薯仔, 粟米...其他野都不太岩食, 因日本人會早餐食飯架, 我就唔慣啦....飲橙汁, 和食下水果, 都ok飽... 唯一正係坐在窗附近吃, 外面的雪越落越大, 睇到好開心, 真係好想快d出去玩下雪....但後尾食完早餐, 雪已經無咁大lu. 乘旅遊巴去玩雪上電單車, 由於太早起床, 在這一個小時的車程也來個小睡, 到達後立刻去借頭盔, 俾錢 (因為這項是自費的, 15000日元雙人車, 一小時), 裝備好我們先去聽教練講解, 老公學識點用就得了, 我都無唸住自己駕車, 只是坐後面玩下算lu....我們選了架白色車, 一架一架跟著教練在平地打圈, 之後先開始入森林, 森林的路高低不平, 有時太快會成個人彈起, 轉來轉去, 之後去番平路仲會俾你快放, 都幾好玩. 入到森林, 可以停底影相, 果度影相真係幾靚, 因為只有雪和樹...但玩雪上電單車都幾涷, 因為這時落著雪, 仍風而來的還有一粒一粒的雪打到面上, 都幾刺痛....玩完即刻走番入室內飲杯熱朱古力, 好温暖...
離開這裏, 便出發到小樽運河, 在這個必到景點影相後, 好快又番上車, 因為這裏好大風, 好涷, 只是零下一度, 但點解咁涷呢, 可能近海邊...
午餐時間, 今餐正囉, 因為有海鮮食, 好野通常都要自費, 在海鮮市場買左雪場蟹, 帶子, 海胆...共16000日元, 便到餐廳吃火煱, 我們先吃蟹刺身, 好鮮味, 但後來發覺煮熟左食仲正喎, 好鮮甜, 我亦好欣賞隻海胆, 食到我有d上隱....我以前唔鐘意食, 現在好像愛上, 幣加火, 香港好難食到咁好味架喎....個火煱的湯仲正, d精華到入晒去, 鮮甜啊....現在唸起仍然回味.....
食完就去小樽附近行街, 來到呢度好大雪, 我們在這裏影了好多相, d雪好大粒, 我好享受呢種感覺, 呢度都幾多野賣, 又有音樂城, 玻璃屋, 好多好精緻的小禮品...我地間間都望下, 好快就夠鐘....要預番時間行完去吃杯六層雪糕, 估唔到真係咁好味, 480日元, 吃到我地兩個飽飽....六層唔同味的雪糕, 好滑, 好清的味道, 我本身好鐘意食雪糕, 今次能夠食到咁正的, 真係好開心啊....

今日的行程又完了, 我地便乘車番酒店, 今晚住洞爺湖溫泉酒店, 到房間放好行李, 便到餐廳吃自助餐, 呢餐晚餐又幾正喎, d牛肉好好味, 刺身都正啊, 甜品和水果也好味, 唯獨是覺得港式自助餐選擇多d, 岩口味d, 但就唔及這裏的好味和新鮮. 食完自助餐, 打電話番香港, 隔一陣就去泡溫泉了, 約了一個女團友去泡, 由於是第一次唔著衫泡, 初初有少少唔慣, 但後尾都覺得無嘜野丫, 只覺在熱水中好舒服, 這裏室內有一個泉, 室內有個泉, 望著黑夜中的洞爺湖, 一望無際, 好正....
泡完番房同老公會合, 佢都泡完了, 今晚訓 TATAME, 可能因為泡到倦, 個人好快入睡, 仲一教訓天光......

 

今朝 7:00 morning call, 醒來在窗外一看, 才知道原來對著一個很美麗的湖, 立刻在窗前拍照, 之後去吃自助早餐, 選了窗口位置, 一邊看著湖, 前面一地的雪, 很美妙, 食物好像跟昨天差不多, 但款式比昨天多和較岩口味, 有炸薯條, 粟米片, 紫菜粥....我愛上了這裏的牛奶, 好滑好香, 連老公都話好飲都唔會太差...哈哈...今天沒有下雪, 我們先到熊牧場, 這裏的熊怪可僯, 好像餓了很久很久似的...因為太臭, 也不想看牠們太久, 餵了蘋果給牠們, 很快便回到商品店, 買馬油和看看小精品....商店外可遠望昭和新山, 有珠火山, 還以為會到這兩個地方, 原來只是可以遠遠望一望, 咁都得...???... 之後去登明地獄谷, 都唔知有乜好睇, 影下相留念算吧. 只停留很短時間, 又離開, 去登別伊達時代村, 先去看一個忍者表演, 講真都幾悶下....睇完先去食中午, 今餐吃一個滿放著食物的蒸木盤, 裏面的食物有菜, 肉, 瓜等等....但完全無味的, 要點一種醬料來吃, 醬汁相當好味, 所以我都吃了很多, 可能因為天氣涷, 特別餓, 乜都覺好吃...哈哈...吃完去玩了一個忍者迷宮, 都幾攪笑, 如果唔係導遊帶住行, 真係未必出番來, 因為要推開好多門的, 又可能在同一路轉來轉去都出唔番來...再去一個鬼屋, 攪笑多D....跟住行下商店, 影下相又離開了.....
由於時間尚早, 未到晚餐時間, 導遊安排我們很市中心, 我們先去BIG CAMERA, 無收獲, 再去三越A'GNES B買左個手袋, 跟住因為肚餓, 去地下街吃了天婦羅飯, 果然一流, 490日元, 相當美味...跟住去左夾公仔, 騙錢....夾到唔既....再去PACO行左陣...今次真失敗, 記錯了集合時間, 所有人等了我們十五分鐘, 真不好意思呢.

今晚晚餐相當豐富, 因為有自費11000日元的松板A4牛和6000日元的飽魚, 來到北海道, 點可以唔試下丫, 真係好好味...(不過後來知道原來在當地大丸可以買到A5牛肉, 仲要平成半, 導遊真係食水深...唉...) 隨了自費的食物, 鐵板燒店所提供的肉都好好味, 仲有帶子呀...食完就番萬麗酒店休息, 間酒店都幾靚, 個廁所好大, 有浴缸和企缸俾你選的. 但附近無乜好行, 很了兩個街口才找到一間便利店, 和中途和部特價買飲品機, 之後番去打埋電話就番房休息, 今日流好多鼻水, 成個人好倦, 所以好快就訓著了, 野都唔願執, 老公幫手執手尾, 我訓先 (點之真係衰左, 佢無執定明天要用的滑雪手套出來, 結果去到先在喼度拎番出來)....ZZZZZZZZZZZZ

 

又是一早6:30 MORNING CALL, 一早起來, 發現又落雪啦, 好開心. 當然又係去食自助早餐啦, 野食都OK既, 有多士爐整多士, 我鍾意. 今天先去滑雪 , 到達國際滑雪場, 我們借好用品便出去滑雪, 雖然四年前在韓國玩過, 但感覺是不同的, 可能因為呢度係真雪, 好軟的, 好滑的, 但韓國果次因為無落雪, 只是人製雪, 雪比較硬. 最大分別就是行路, 在真雪上用雪橇行是難好多架, 好吃力的. 我都有嘗試滑, 同上次感覺差不多, 速度都係好快, 一快我就驚架啦, 總是不能掌握, 次次都跌底, 有次仲差D衝出停車場, 哈哈... 我地滑雪時只得零下十二度, 又大風又大雪, 但仍然玩到出汗, 果真好體力勞動啊. 原本想坐纜車上山睇下, 原來山上得零下十六度, 好大風, 但因為唔係太夠時間, 同埋要去滑水泡, 所以無上到去了. 玩完一輪就去食野, 今餐有餐卷俾我地自己買野食, 我地食到要自己貼錢....HE HE....吃了豬扒飯和牛肉飯, 仲有雞寶...都幾好味...食完行左陣商店就去出面影相, 出面D景好靚, 好似幅畫咁靚, 影了好多相先收手...下午行程是去狸小路行街, 導遊先帶我地去一間店買野, 不用抽稅仲有九折, 早知之前唔買住啦, 呢度好底呀, 之後買貴左啊....所以在這裏掃了不少貨, 哈€€€€, 跟住我地就自己行, 但根本唔夠時間, 行狸小路只係行左兩三間店, 買野食, 替妹買護膚品, 買左冬甩食....好快就要行番過去集合地點...之後向果子王國出發.....這裏是建立在湖中間, 只有一條獨立的路通往, 講真又唔係講到咁正, 不過間房幾大, 有兩張四尺床. 我們先去暖水泳池遊水, 我們先去付每人500日元玩滑梯, 沒有暖氣, 拎著水泡走上去, 都幾涷下, 我地先玩8字型水泡, 跟住玩另一條一個人自己滑的, 再玩多次8字型, 因為唔想再上樓梯, 最算是任玩都決定放棄了. 但都幾好玩, 好似ocean park果隻, 但滑梯是密封的, 因為是在酒店外, 如無蓋就有雪, 實涷薑. 之後去游水和水力按摸....當時是落著好大雪的, 老公同團友說先去泡泡溫泉, 而我就準備飯後先去泡, 結果....佢可以一試落著雪泡溫泉的感覺, 正.....(而我呢....一陣先講)....佢地話眼眉都有雪, 個頭又有雪, 真攪笑. 之後我們便約了在餐廳等, 吃自助餐, 妹妹說有長腳蟹, 但我找不到啊, 點解今次無架??? 不過都幾多野食, 都幾好味, 蛋糕好正....食完就番房執野, 準備一陣去泡溫泉, 再去導遊間房拎野食, 打埋電話番hk(好掛住樂樂啊), 之後就去泡溫泉了. 結果, 到我去泡時, 雪已經停....很後悔之前唔來, 我和團友先泡室內的泉, 又試泠熱水按腳泉, 之後就出去室外泡, 出面得一個泉和兩個木筒, 走出去真係勁涷, 我估只有零下8度左右, 但泡泉時上涷下熱, 好得意的....跟住走番入去室內, 團友叫我一齊試下抱涷水, 哇~~一落去, 根本唔係涷水, 是冰水來架, 我鼓起最大勇氣才能進入水裏, 跟住再泡熱水, 的確舒服.

跟住番房休息了. 明天便回香港啦, 沒有不捨得日本, 因為有時太乾好辛苦, 反而想快d番香港見樂樂啊..... 

 

又是一早6:30 MORNING CALL, 一早起來, 發現又落雪啦, 好開心. 當然又係去食自助早餐啦, 野食都OK既, 有多士爐整多士, 我鍾意. 今天先去滑雪 , 到達國際滑雪場, 我們借好用品便出去滑雪, 雖然四年前在韓國玩過, 但感覺是不同的, 可能因為呢度係真雪, 好軟的, 好滑的, 但韓國果次因為無落雪, 只是人製雪, 雪比較硬. 最大分別就是行路, 在真雪上用雪橇行是難好多架, 好吃力的. 我都有嘗試滑, 同上次感覺差不多, 速度都係好快, 一快我就驚架啦, 總是不能掌握, 次次都跌底, 有次仲差D衝出停車場, 哈哈... 我地滑雪時只得零下十二度, 又大風又大雪, 但仍然玩到出汗, 果真好體力勞動啊. 原本想坐纜車上山睇下, 原來山上得零下十六度, 好大風, 但因為唔係太夠時間, 同埋要去滑水泡, 所以無上到去了. 玩完一輪就去食野, 今餐有餐卷俾我地自己買野食, 我地食到要自己貼錢....HE HE....吃了豬扒飯和牛肉飯, 仲有雞寶...都幾好味...食完行左陣商店就去出面影相, 出面D景好靚, 好似幅畫咁靚, 影了好多相先收手...下午行程是去狸小路行街, 導遊先帶我地去一間店買野, 不用抽稅仲有九折, 早知之前唔買住啦, 呢度好底呀, 之後買貴左啊....所以在這裏掃了不少貨, 哈€€€€, 跟住我地就自己行, 但根本唔夠時間, 行狸小路只係行左兩三間店, 買野食, 替妹買護膚品, 買左冬甩食....好快就要行番過去集合地點...之後向果子王國出發.....這裏是建立在湖中間, 只有一條獨立的路通往, 講真又唔係講到咁正, 不過間房幾大, 有兩張四尺床. 我們先去暖水泳池遊水, 我們先去付每人500日元玩滑梯, 沒有暖氣, 拎著水泡走上去, 都幾涷下, 我地先玩8字型水泡, 跟住玩另一條一個人自己滑的, 再玩多次8字型, 因為唔想再上樓梯, 最算是任玩都決定放棄了. 但都幾好玩, 好似ocean park果隻, 但滑梯是密封的, 因為是在酒店外, 如無蓋就有雪, 實涷薑. 之後去游水和水力按摸....當時是落著好大雪的, 老公同團友說先去泡泡溫泉, 而我就準備飯後先去泡, 結果....佢可以一試落著雪泡溫泉的感覺, 正.....(而我呢....一陣先講)....佢地話眼眉都有雪, 個頭又有雪, 真攪笑. 之後我們便約了在餐廳等, 吃自助餐, 妹妹說有長腳蟹, 但我找不到啊, 點解今次無架??? 不過都幾多野食, 都幾好味, 蛋糕好正....食完就番房執野, 準備一陣去泡溫泉, 再去導遊間房拎野食, 打埋電話番hk(好掛住樂樂啊), 之後就去泡溫泉了. 結果, 到我去泡時, 雪已經停....很後悔之前唔來, 我和團友先泡室內的泉, 又試泠熱水按腳泉, 之後就出去室外泡, 出面得一個泉和兩個木筒, 走出去真係勁涷, 我估只有零下8度左右, 但泡泉時上涷下熱, 好得意的....跟住走番入去室內, 團友叫我一齊試下抱涷水, 哇~~一落去, 根本唔係涷水, 是冰水來架, 我鼓起最大勇氣才能進入水裏, 跟住再泡熱水, 的確舒服.

跟住番房休息了. 明天便回香港啦, 沒有不捨得日本, 因為有時太乾好辛苦, 反而想快d番香港見樂樂啊..... 

北海道之旅(第三天)
玩埋今日番香港啦, (哇, 寫左五日行程終於埋尾啦, 打到手都倦...) 在果子王國吃自助餐, 今朝又落雪啦, 好靚的景呀, 雪景, 再見啦. 因為早上執行理慢左, 所以趕著吃, 有d野仲想食但無時間啊, 算啦, 都飽架啦. 先去支笏湖, 望著個湖真係幾靚, 俾人好舒服的感覺, 影幾張相又匆忙地走啦, 之後再乘長途車出機場附近的千歲outlet, 幸好我們早, 趕得切上公路, 因為雪很大, 公路準備停開啦, 上到公路見到前面的私家車滑到來個180度轉, 你都唔好話唔驚. 幸好順利到達outlet, 發覺這裏的adidas, nike....跟香港的價錢差不多, 買的興趣不大, 結果我都買了件nike衞衣, 好似未見過香港有, (點之番到香港即刻見到有, 仲要減價, 好彩我買得平過香港), 仲買了傘子, 呢度買原來最平, 有折, 所以又買多幾把, 其實我一直想買, 因為想送俾人但又未買夠, 見到很開心. 每次買傘都俾老公話, 因為我共買了10把, 但真係好輕身好靚, 忍唔到手啊. 買完野就自費吃迴轉壽司, 三文魚都幾大塊, 至少大過舊飯先啦,  一般一碟130日元, 我們在這裏吃了一個"黑金倉魚高級腹肉" 520日元一碟, 好好味呀~~貴都值得一試~~

因為唔係食左太多壽司, 我們再去吃雪糕pancake, 好味....之後再乘車去機場啦. 回程原來需要長時間一點, 大約5小時, 結果我看了"不能說的秘密", 原來幾好睇架喎, 之後打機, 訓教, 好快就到香港, 到達香港大約9點, 拎齊行理, 我們call的士, 跟兩個團友一起坐, 我們先藍田睇樂樂...

樂樂見到我倆竟然呆了幾分鐘, 望著我和爸b, 超級攪笑的....